🟢 BIOLOGIK FAOL QO‘SHIMCHALAR – DORI VOSITASI EMAS!

🟢 BIOLOGIK FAOL QO‘SHIMCHALAR – DORI VOSITASI EMAS!

💊 Ko‘pchilik biologik faol qo‘shimchalarni (BFQ) dori vositasi deb o‘ylaydi. Aslida esa bu noto‘g‘ri tushuncha!

✅ Biologik faol qo‘shimcha (BFQ) — bu organizmni qo‘llab-quvvatlash, oziq moddalarga bo‘lgan ehtiyojni qisman to‘ldirish uchun mo‘ljallangan mahsulot hisoblanadi. Ular dori vositasi o‘rnini bosa olmaydi.
BFQ nima uchun qo‘llaniladi?
🌿 Vitamin va minerallar yetishmovchiligini to‘ldirishga yordam beradi.
🥦 Ratsionni biologik faol moddalar bilan boyitadi.
💪 Organizmning umumiy holatini qo‘llab-quvvatlaydi.
🛡 Sog‘lom turmush tarziga qo‘shimcha vosita sifatida xizmat qiladi.

BFQ nimalarni bajarmaydi?

❌ Kasallikni davolamaydi.
❌ Kasallikning oldini olish uchun kafolat bermaydi.
❌ Tashxis qo‘ymaydi.
❌ Shifokor tavsiya qilgan dori vositalarining o‘rnini bosa olmaydi.

BFQni qabul qilishda nimalarga e'tibor berish kerak?

✔️ Mahsulotning tarkibini diqqat bilan o‘qing.
✔️ Faqat ishonchli va rasmiy ro‘yxatdan o‘tgan mahsulotlarni tanlang.
✔️ Tavsiya etilgan dozadan oshirmang.
✔️ Homiladorlar, emizikli ayollar, bolalar va surunkali kasalligi bor shaxslar shifokor bilan maslahatlashgan holda qabul qilishi lozim.

⚠️ ESDA TUTING!
Biologik faol qo‘shimchalar sog‘liqni qo‘llab-quvvatlash uchun xizmat qiladi, ammo ular dori vositasi emas. Kasallik belgilari kuzatilsa, o‘zini o‘zi davolash bilan shug‘ullanmang va shifokorga murojaat qiling.

👨‍⚕️ Sog‘lig‘ingizni asrang! To‘g‘ri ovqatlaning, jismoniy faollikni oshiring va har qanday qo‘shimchani ongli ravishda tanlang.

Sanepidqo'mita Xiva tuman bo'limi Axborot xizmati
https://t.me/XivatumanSEOJSB