Yozda ifloslangan oziq-ovqat va suv o‘tkir ichak infeksiyalari kasalliklarga sabab bo‘ladi

Yozda ifloslangan oziq-ovqat va suv o‘tkir ichak infeksiyalari kasalliklarga sabab bo‘ladi


⚠️Kunlar isishi, yozda aholi o‘rasida o‘tkir yuqumli ichak kasalliklari, xususan, o‘tkir diareya, qorin tifi, salmonellyoz, virusli gepatit A va boshqa ovqatdan zaharlanish kasalliklarining tarqalishi ehtimoli ortib boradi.

📝O‘tkir yuqumli ichak kasalliklarining kelib chiqishida shaxsiy gigiyena qoidalariga rioya qilmaslik, qaynatilmagan ariq, hovuz va quduq suvlari, yuvilmagan sabzavot va mevalar, shu bilan birga pashshalar alohida ahamiyat kasb etadi.

☄️Kasallikning oldini olishda quyidagi qoidalarga rioya etilishi zarur:

✔️Har doim, ayniqsa ovqatlanishdan oldin qo‘lingizni sovunlab yuving;

✔️Meva va sabzavotlarni toza ichimlik suvida (iloji bo‘lsa qaynab sovitilgan suvda) yuvib iste’mol qiling;

✔️Ochiq suv havzalaridan suv ichmang, faqat qaynatilgan suv iching, mumkin bo‘lmagan joylarda cho‘milmang;

✔️Oziq-ovqat mahsulotlarini tayyorlash, saqlash va ularni tashish hamda tarqatilishida sanitariya-gigiyena qoidalariga rioya qiling;

✔️Pashshalarning ko‘payib ketishiga yo‘l qo‘ymang;

✔️Tez buziluvchi oziq-ovqat mahsulotlarini xarid qilayotganingizda uning sifati va yaroqliligiga e’tibor qarating;

🔗Ko‘ngil aynib, qorinda og‘riq paydo bo‘lsa, ich ketishi va ba’zi hollarda tana harorati ko‘tarilsa, zudlik bilan tibbiyot xodimlariga murojaat qiling, shifokorlar maslahatisiz har xil dori-darmonlarni iste’mol qilmang.

⚡️ Sanepidqo'mita Axborot xizmati